அவரைக்காய் பொரியல்

தேவையான பொருள்கள்:

1. அவரைக்காய் = கால் கிலோ
2. வெங்காயம் = 2
3. பச்சை மிளகாய் = 3
4. தேங்காய் = கால் மூடி
5. கசகசா = 1 ஸ்பூன்
6. மிளகாய் வற்றல் = 1
7. சோம்பு = அரை ஸ்பூன்
8. பட்டை = 2
9. எண்ணெய் = 2 ஸ்பூன்
10. உப்பு = தேவையான அளவு

செய்முறை:

• அவரைக்காயை பொடியாக நறுக்கவும். வெங்காயம், பச்சை மிளகாய் பொடியாக நறுக்கவும். தேங்காயை துருவிக் கொண்டு கசகசாவோடு சேர்த்து க‌ர கரப்பாக அரைக்கவும்.
• வாணலியில் சோம்பு, பட்டை, மிளகாய் வற்றல், கறிவேப்பிலை தாளிக்கவும். மிளகாய் வற்றல் நீள வற்றலாக இருந்தால் நன்றாக இருக்கும்.
• அடுத்து வெங்காயம் , பச்சை மிளகாய் வதக்கவும். வதங்கியதும் அவரைக்காயை சேர்த்து வதக்கவும். நன்றாக வதங்கியதும் அரைத்த தேங்காயையும், உப்பையும் சேர்த்து மீண்டும் சிறிது வதக்கி அரை கப் நீர் விட்டு மூடி வைக்கவும்.
• 10 நிமிடம் கழித்து திறக்கும் போது காய் வெந்து இருக்கும். கொத்த‌மல்லி சேர்த்து பரிமாறவும்.

சுவையான அவரைக்காய் பொரியல் தயார்.  இதை ரைஸ் மற்றும் சப்பாத்தியோடு பரிமாறலாம்.