பீர்க்கங்காய் பொரிச்ச குழம்பு

தேவையான பொருள்கள்:

1. பீர்க்கங்காய் = அரை கிலோ
2. பச்சை மிளகாய் = 3
3. வெங்காயம் =  50 கிராம்
4. தக்காளி = 2
5. துவரம் பருப்பு = 50 கிராம்
6. பயத்தம் பருப்பு = 50 கிராம்
7. பெருங்காயம் = சிறிதளவு
8. மஞ்சள் பொடி = கால் ஸ்பூன்
9. மிளகாய் பொடி = அரை ஸ்பூன்
10. வெல்லம் = சிறு துண்டு
11. சீரகம் = அரை ஸ்பூன்
12. கடுகு = அரை ஸ்பூன்
13. உளுத்தம் பருப்பு = 1 ஸ்பூன்
14. கடலை பருப்பு = 1 ஸ்பூன்
15. எண்ணெய் = 2 ஸ்பூன்
16. உப்பு = தேவையான அளவு

செய்முறை:

• பீர்க்கங்காயை தோல் சீவி விட்டு பின் கால் அங்குல துண்டுகளாக நறுக்கவும். பச்சை மிளகாயை இரண்டாக கீறிக் கொள்ளவும். வெங்காயம், தக்காளி நறுக்கவும்.
• துவரம் பருப்பு, பயத்தம் பருப்பு இரண்டையும் மஞ்சள் பொடி, பெருங்காயம் சேர்த்து குழைய வேக விட்டுக் கொள்ளவும்.
• வாணலியில் வெங்காயம், தக்காளி, பீர்க்கங்காய் சேர்த்து வதக்கவும். நன்றாக வதங்கியதும் கடைந்த பருப்பை சேர்த்து உப்பு சேர்த்து மூடி வேக விடவும்.
• வெந்ததும் வெல்லம் சேர்த்து மேலும் சிறிது கொதிக்க விட்ட பின் கொத்தமல்லி சேர்த்து இறக்கவும்.
• வாணலியில் எண்ணெய் விட்டுக் காய்ந்ததும் கடுகு, சீரகம், உளுத்தம் பருப்பு, கடலை பருப்பு சேர்த்து கறிவேப்பிலை சேர்த்துத் தாளித்துக் கொட்டவும்.

சுவையான பீர்க்கங்காய் பொரிச்ச குழம்பு தயார். இதை இட்லி, தோசை, பொங்கல், உப்புமா, சப்பாத்தி, பரோட்டா, அடை போன்றவற்றுடன் பரிமாறலாம்.