முருங்கைக்காய் சூப்

தேவையான பொருள்கள்:

1. முருங்கைக்காய் = 20 கிராம்
2. பயத்தம் பருப்பு = 25 கிராம்
3. வெங்காயம் = 4
4. தக்காளி = 2
5. மிளகு = 5 கிராம்
6. பட்டை = 1
7. கிராம்பு = 1
8. தேங்காய் பால் = 100 மி.லி
9. நெய் = 1 ஸ்பூன்
10. உப்பு = தேவையான அளவு

செய்முறை:

• வெங்காயம், தக்காளி இரண்டையும் பொடியாக நறுக்கி வைத்து கொள்ளவும். மிளகை இடித்து பொடி செய்து கொள்ளவும்.
• வாணலியில் சிறிது நெய் விட்டு காய்ந்ததும் முருங்கைக்காயை லேசாக வதக்கி இறக்கி தண்ணீர் விட்டு சுத்தம் செய்து கொள்ளவும்.
• பிறகு ஒரு பாத்திரத்தில் தண்ணீர் விட்டு சூடானதும் பயத்தம் பருப்பை போடவும். பருப்பு வெந்ததும் முருங்கைக்காயை போட்டு கொதிக்க விடவும். தண்ணீர் பாதியாக வற்றும் வரை கொதிக்க வைத்து இறக்கவும்.
• பிறகு வாணலியில் சிறிது நெய்யை விட்டு காய்ந்ததும் வெங்காயத்தை போட்டு வதக்கி பிறகு பட்டை, கிராம்பு போட்டு கிளறி தக்காளி போட்டு வதக்கி பிறகு வேக வைத்த முருங்கைக்காய் கலவையை போட்டு அதனுடன் தேங்காய் பால் சேர்த்து கொதிக்க விடவும்.
• பிறகு தேவையான அளவு உப்பு, மிளகுத்தூள் போட்டு கலக்கி கொதிக்க வைத்து வடிக்கட்டி சூடாக பரிமாறவும்.

சுவையான, ஆரோக்கியமான “முருங்கைக்காய் சூப்” தயார்.

மருத்துவ குணங்கள்:

• முருங்கைக்காயில் வைட்டமின்  A, வைட்டமின் C, கால்சியம்,  பொட்டாசியம், இரும்பு சத்து, புரதம், ஊட்டச்சத்து அதிகமாக உள்ளது.
• உயர் இரத்த அழுத்தம், விந்து விருத்தி, வாதம் போன்றவவை குறையும். மேலும் முருங்கை தாய்ப்பாலை அதிகரிக்க உதவும்.
• தலைவலி, ஜலதோஷம், இருமல், மூலம் ஆகியவை குறையும். விந்து குறைபாட்டை குறைத்து விந்து உற்பத்தியை அதிகரிக்கும். பெண்களின் உதிரப்போக்கை கட்டுப்படுத்தும்.

இவ்வாறு உடலுக்கு ஆரோக்கியமான உணவுகளை சாப்பிட்டு நோயின்றி வாழ்வோம்.