வாழைக்காய் வடை

தேவையான பொருள்கள்:

1. வாழைக்காய் = 2
2. கடலை மாவு = 3 ஸ்பூன்
3. சோம்பு = 1 ஸ்பூன்
4. சின்ன வெங்காயம் = 100 கிராம்
5. பச்சை மிளகாய் = 4
6. இஞ்சி = காலங்குலம்
7. எண்ணெய் =150 கிராம்
8. உப்பு = தேவையான அளவு

செய்முறை:

• வாழைக்காயை 2 துண்டுகளாக நறுக்கி குக்கரில் வைத்து வெயிட் போடாமல் 1 நிமிடம் வைத்து எடுக்கவும். பிறகு இதை தோல் உரித்துக் கொள்ளவும்.
• சோம்பை பொடி செய்யவும். சின்ன வெங்காயம், பச்சை மிளகாய், இஞ்சி பொடியாக நறுக்கிக் கொள்ளவும். கறிவேப்பிலை, கொத்தமல்லி பொடியாக நறுக்கிக் கொள்ளவும். இவை எல்லாவற்றையும் கலந்து சிறிது நீர் விட்டுப் பிசைந்துக் கொள்ளவும்.
• வாணலியில் எண்ணெய் விட்டுக் கொண்டு காய்ந்ததும் இந்த வாழைக்காய் கலவையை வடை போல தட்டி போட்டு இருபுறமும் சிவக்க விட்டு எடுக்கவும்.

சுவையான வாழைக்காய் வடை தயார். இதை எல்லா விதமான ரைஸோடும் பரிமாறலாம்.

மருத்துவ குணங்கள்:

• வாழைக்காய் குறைவான சர்க்கரை அளவு கொண்டது. சோடியம் குறைவாக மற்றும் வைட்டமின் A, பொட்டாசியம், மற்றும் நார்சத்துக்கள் அதிகமாக உள்ளது. அதிக ஊட்டச்சத்து மிக்கது. மலச்சிக்கல் குறையும்.
• உடல் எடை, இரத்த அழுத்தம், இரத்த சோகை ஆகியவை குறையும். எலும்புகள் ஆரோக்கியம் பெறும்.